Тусгаар тогтнолын үнэ цэн хэмээх ойлголтыг 21 настай оюутан залуугийн өнцгөөс хүргэхийг зорьсон подкастыг эрхэм сонсогч та бүхэнд хүргэхэд бэлэн болсон байна. Аливаа зүйлсэд гарц гаргалгааг илэрхийлэхгүй, тодорхой баримт, өөрийн үзэл бодолгүй шүүмжилж миний амьдралын болохгүй байгаа бүхий л зүйлсэд хэн нэгэн эсвэл үргэлжид төр буруутай гэх бодлоо авч хаяхгүй л бол асар их үнээр олж авсан тусгаар тогтнол, эрх чөлөөгөө бид цаашид өөрсдийн гараар үгүй хийх вий хэмээн эмзэглэж байна. Шүүжлэлийг хэн ч хийж, хэлж чадна. Иймийн учир энэхүү подкастыг сонсож байгаа хэн бүхэнд асуудал бүрдээ бусдад буруугаа тохох бус өөрийн бодит оролцоотой байж Ардчилсан үндсэн хуулиар олгогдсон эрх үүргээ биелүүлэхийг уриалж байна. Гэхдээ бид илүү гэрэлтэй ирээдүйг хүсдэг. Тэр гайхалтай гэрэлт ирээдүйг бий болгохын тулд бид өөрсдийн бодит оролцоотой, шинжлэх ухаанд тулгуурласан, өөрсдийн үнэт зүйл, зарчимтай, хийж бүтээх хүсэл эрмэлзэл дүүрэн байх шаардлагатай. Гол гаргалгаа нь бидний бодит оролцоо. Өөрөө оролцоогүй байж хэн нэгэнд буруугаа тохох эрх бидэнд үгүй. Залуу нас гэдэг хамгийн сайхан нь гэж бид олон хүнээс сонсож байсан. Залуу нас бол далавч. Гэхдээ бид далавчтай байж нисэж чадахгүй бол гунигтай. Үнэ цэн гэдэг зүйл яг үүнтэй ижил. Эх орон, тусгаар тогтнол, эрх чөлөө, ардчилал, үндсэн хууль, ёс зүйг цаашид бахархалтайгаар өвлөн авч явах үүрэг залуучууд бидэнд ноогдож байна. Энэхүү подкастын төгсгөлд сонсогч танаас асуух асуулт байна. ТА ЭХ ОРНЫХОО ТӨЛӨӨ ЮУ ХИЙСЭН БЭ?

Нарнаас Том А подкастын 74 дахь дугаарын зочин Эмоци продакшны жүжигчин С.Тэмүүжин оролцлоо. Бидний подкаст: - Жүжигчин гэж хэн бэ? - Баг бүрдүүлэлт хэрхэн хийх вэ? - Дүрийн судалгаа хэрхэн хийгддэг вэ? - Олон ажлыг зэрэг амжуулах чадвар болон түүнийг сайжруулах - Чанартай төлөвлөгөө боловсруулж контент бүтээх нь - Хэрхэн сэтгэл зүйгээ хүчтэй байлгах - Зэмлэл магтаал хоёрыг зэрэгцүүлэх - Хийж буй зүйлдээ эзэн байх тухай подкастыг хүлээн авна уу.

Шинэ дугаараараа та бүхэнд Дэлхийн Нүүдэлчид подкастын хөтлөгч Ц.Анударьтай уулзуулж байна. Бидний подкастаас та бүхэн олон улсад суралцах болон бэлтгэх мөн хувийн санхүүгийн асуудлууд, подкастчидын жаргал зовлонгийн талаар мэдэх болно.

Энэ удаагийн дугаарт Япон хэлийг олон улсын стандарт аргачлалаар хэрхэн үр дүнтэй суралцах арга, Япон улсын тэтгэлэгт хөтөлбөрүүд, Олон Улсад өрсөлдөх чадварын тухай сонирхолтой ярилцлагыг өрнүүлэх болно.