Dütmal stellt wi Jo bi "Wi snackt Platt" en Mann mit en grotet Hart för de plattdüütsche Spraak för: Hasnain Kazim. Mit dat Fahrrad is he in't verleden Johr an'e Elv langsfört - vun Cuxhoven bet rünner no Sassen - un över düsse Tiet hett en Book schreven. "Deutschlandtour" heet dat Book, un an'n Dunnersdag warrt he dorut vörlesen: Avends üm halvig söven in't Literaturhuus in Hamborg. Denn stellt wi Jo ok noch de ne'e Leidersch vun't Zentrum för Nedderdüütsch in Holsteen vör: Marie-Sophie Koop ut Hamborg-Bardörp is dat - un dat gifft en "Hör mal'n beten to"-Geschicht över Gerrit Hoss sienen olen VW Bulli to höörn.

Moderatschoon: Jan Wulf

Bi "Wi snackt Platt" snackt wi dütmal mit twee echte Stars: Wolfgang Niedecken vun de Band BAP un Timsen vun'e Band Santiano. De twee hebbt tohoop en Leed op Kölsch un Platt opnahmen - en Vörgesmack op dat ne´e Solo-Album vun Timsen, dat in'n April rutkamen schall. Dorto geiht ok noch üm de "Düütsche Sellschop to de Redden vun Schiffbrüchigen", also üm de DGzRS. De lütten Sammelscheep vun de DGzRS fiert nämmich Geboortsdag: 150 Johr gifft dat de nu! Un wi stellt Jo dat ne'e Theaterstück "Een Liek för Greten" vun de Hittfelder Speeldeel vör.

Moderatschoon: Jan Wulf

"Vertell doch mal" geiht wedder los! Tohoop mit Radio Bremen un dat Ohnsorg-Theater söökt wi ok düt Johr wedder de beste Kortgeschicht op Platt. Dat Thema, to dat Ji schrieven schüllt, is "Mit'nanner" un besünners freit wi uns ok över uns "Vertell doch mal"-Botschafterin düt Johr, de würklich en ganz grotet Hart för de plattdüütsche Spraak hett: TV-Moderatorin Enie van de Meiklokjes.
Denn geiht dat bi "Wi snackt Platt" ok noch üm dat ne’e Stück „Annas Slaapstuuv - Entführung auf Bestellung“ in’t Ohnsorg-Theater. Wi hebbt uns de Premieer vun dat Stück ankeken. Denn snackt wi ok noch mit den Musiker und Snutenhobel-Speler Lars-Luis Linek över sien ne’et Album „Platt hett Humor“- düssen Dunnersdag is he dormit in’n Lichtwarksaal vun’e Carl-Toepfer-Stiften to beleven. Un dat gifft ok noch annere ne'e Musik to höörn: en kölsch-plattdüütschet Duett vun Santiano-Frontman Timsen mit BAP-Sänger Wolfgang Niedecken. "Af un to" heet dat ne'e Leed - en Vörgesmack op dat ne'e Album vun Timsen, dat in'n April rutkamen warrt.

Moderatschoon: Jan Wulf

An'n Sünndagavend fiert in't Ohnsorg-Theater dat Stück "Annas Slaapstuuv - Entführung auf Bestellung" Premieer. Wi snackt mit de Schauspelers Marco Reimers un Oskar Ketelhuth, op wat sik de Lüüd bi dat Stück freien köönt. Denn stellt wi Jo ok noch de ne'e Broschüür "Plattdeutsch sichtbar machen" vun'n Bunnsraat för Nedderdüütsch un dat Nedderdüütsch-Sekretariat vör, dat geiht mit en Schoolklass un dat Waldpädagogikzentrum Ostheide op en plattdüütschen Utfloog in den Woold - un de jüngst Autorin vun uns Reeg "Hör mal'n beten to", Jördis Weerda, is ok noch mit en Geschicht to höörn.

Moderatschoon: Jan Wulf

De Leder in düsse Utgaav:

Wind vun achtern - Godewind
Deep in Dien Hart - Janina
Wind un Meer - Willie Stemwede
Ünner de Sünn - Ove Thomsen
Hamborg - Norma

In uns eerste Utgaav in't nee Johr wüllt wi uns nochmal op en echten Hamborger Jung besinnen: fief Johr is dat nu her, dat de Schauspeler Jan Fedder storven is. Denn sünd wi ok noch in Hamborg-Lohbrüch ünnerwegens: in uns Reeg "Plattsnackers bi de Arbeit" besöökt wi den Versekerungsagenten Jens Beeken. Un dat geiht üm en Mann, de mit Hölp vun KI, also künstliche Intelligenz, plattdüütsche Musik produzeern deit: Marc Wübbenhorst. Togoderletzt hebbt wi noch en Hör mal'n beten to-Klassiker för Jo: Gerd Spiekermann vertellt över siene goden Vörsätz för't ne'e Johr.

Henwies: De Kummedi "Dree Keerls un en Kuckuck", in de ok Jens Beeken to beleven is, löppt an'n 26. Januar un an'n 1. un 2. Februar, jümmers namiddags Klock veer, in't "Tatenberger Fährhaus". Kaffe un Koken gifft dat dor ok. De Korten för 12 Euro kriegt Ji bi Eckhart Meyer ünner Telefon 040/737 22 20.

Moderatschoon: Jan Wulf

De Leder in düsse Utgaav:

Konfetti - Die Tüdelband
Mien Jung vun't Dörp - Wiebke Colmorgen & Hardy Kayser
Anne Waterkant born - Ronny Becker
Platt-a-billy-boogie - Knipp Gumbo
Dänz op de Deel - Yared und die Schlickrutscher

De Johrswessel steiht för de Döör. Un siet över 50 Johr is dat nu al Traditschoon, dat de NDR to Silvester in't Fernsehen "Dinner for One" wiesen deit. Kennt een ok as "De 90. Geboortsdag". Un düssen Sketch kriegt Ji nu an 29. Dezember morgens halvig negen bi "Wi snackt Platt" to hören un in düssen Fall denn kloor op Platt.

Gesine Kellermann hett de Geschicht vör vele Johren in uns plattdüütsche Spraak bröcht. Man anners as bi dat Originaal warrt düsse Geschicht denn bi "Abendeten för Een" ut de Perspektiev vun den olen Huushund Fritz vertellt, de dor al siet 20 Johr utstoppt op'e Deel liggen deit. Un vun dor ut gifft he denn sien Semp to de Geboortsdagsfier dorto un kickt sik dat Ganze ut de Froschperspektiev wat an.

Moderatschoon: Jürgen Fitschen

De Leder in uns Sennen:
Ina Müller - De Wind vun Hamburg
Nick, Yared & Flow feat. The Charchullas - These boys must be free (op Platt)
Santiano - An't Enn vun de Welt
Torfrock - Let's work togesser
Lui & Fiete - Rollin' Home

Bummelig hunnertdusend Minschen in Hamborg snackt Platt. Wi bringt de "heemliche Mudderspraak vun de Norddüütschen" ok in't würkliche Leven to'n Klingen.

Bummelig hunnertdusend Minschen in Hamborg snackt Platt. Wi bringt de "heemliche Mudderspraak vun de Norddüütschen" ok in't würkliche Leven to'n Klingen.

Plattdüütsche Lüüd un de ehren Arbeitsalldag: Dütmal sünd wi süden vun Hamborg ünnerwegens un kiekt dor Dirk Meyer 'n beten wat över de Schuller. He arbeidt in dat gröttste Goorncenter, wat dat mit Dack över in Düütschland geven deit. Bernhard Koch hett dor annerletzt mal bi em vörbikeken un vertellt uns dorvun.

Plattdüütsch kann een nich blots hören, dat kann een sik ok ankieken: An'n 21. Dezember middags Klock twölf - löppt in't NDR Fernsehen "Das tapfere Schneiderlein" un dat op Platt. Bi "Wi snackt Platt" maakt wi Jo al mal'n beten wat neeschierig dorop.

Ok an'n 21. Dezember, dor aver halvig twölf - gifft dat bavento denn noch en ne'e Utgaav vun "De Noorden op Platt" to sehn. Un dor sünd wi dütmal blangen anner Saken ok op Finkwarder to Gang bi Bäckermeister Jan Körner. Mit em tohoop gaht wi so'n beten wat dat Geheemnis vun den Brunen Koken op'n Grund. So as dat heten deit, is dat Traditschoonsgebäck dat eerste Mal 1782 in en Backstuuv in Altna backt woorn. Bi "Wi snackt Platt" warrt Jan Körner vöraf ok al'n beten wat vertellen.

Un denn wüllt wi Jo ok noch mal'n beten wat neeschierig maken op Yared Dibaba siene Sennen "Platt Schnack Mucke", denn de is ok as Podcast in de ARD Audiothek to finnen, so dat een sik de jedertiet anhören kann. Dat Ganze is ümmer en bunten Snack mit intressante Lüüd, de dor to Woort kamen doot – vun Matthias Stührwoldt över Detlef Wutschik bet hen na Gerd Spiekermann.

Moderatschoon: Jürgen Fitschen

De Leder in uns Sennen:
Charmonia - Help
Wiebke Colmorgen & Hardy Kayser – Maak ik morgen
Rolf Zuckowski & De Finkwarder Speeldeel – Wiehnacht wat büst du
Otto Groote Ensemble – Min Jehann
Godewind – Wind vun achtern

Bi "Wi snackt Platt" stellt wi Jo dütmal en echte oostfreesche Delikatess vör: dat geiht üm de so nöömte “Oostfreesche Knüppeltoort”. Dorto hebbt wi ok noch en poor vergnöögliche, man ok besinnliche Geschichten to’n tweten Advent för Jo rutsöcht: Willie Stemwede vertellt wat över en heel besünner Wiehnachtsbeleevnis, vun Reimer Bull gifft dat de Geschicht "Dit Johr schenkt wi uns nix" to höörn un Gerrit Hoss vertellt wat wat över en Familien-Utfloog op den Wiehnachtsmarkt.

Moderatschoon: Jan Wulf

------

Bei "Wi snackt Platt" geht es dieses Mal um eine echte ostfriesische Delikatesse: Es geht um die sogenannte „Ostfriesische Knüppeltorte“. Dazu haben wir auch ein paar lustige, aber auch besinnliche Geschichten zum zweiten Advent für Sie: Willie Stemwede erzählt von einem ganz besonderen Weihnachtserlebnis, von Reimer Bull gibt es die Geschichte „Dieses Jahr schenken wir uns nichts“ zu hören, und Gerrit Hoss berichtet von einem Familienausflug auf den Weihnachtsmarkt.

Moderation: Jan Wulf

Bi "Wi snackt Platt" sünd wi dütmal in't ne'e Besökerzentrum vun'n Museumshaven in Oevelgönn to Besöök, dorto geiht dat ok noch üm de ne'e Platt-Lehr-App "Platt mit Beo", de düsse Week vun de Ollenborger Landschop un dat Kompetenzzentrum för Nedderdüütschdidaktik vun'e Uni Griepswohlt (Greifswald) vörstellt worrn is - un denn vertellt Gerd Spiekermann ok noch en Geschicht över sien Optritt as Nikolaus in en Hamborger Kinnergoorn.

Bei „Wi snackt Platt“ sind wir diesmal im neuen Besucherzentrum des Museumshafens in Oevelgönne zu Besuch. Außerdem geht es um die neue Plattdeutsch-Lern-App „Platt mit Beo“, die diese Woche von der Oldenburger Landschaft und dem Kompetenzzentrum für Niederdeutschedidaktik der Universität Greifswald vorgestellt wurde. Und dann erzählt Gerd Spiekermann noch eine Geschichte über seinen Auftritt als Nikolaus in einem Hamburger Kindergarten.

Moderatschoon: Jan Wulf

De Leder in düssen Podcast:

Stutenkerl - Godewind
Nees in Wind - Ina Müller
Kopp hooch - Wiebke Colmorgen & Hardy Kayser
De Tied steiht still - Otto Groote
Wiehnachtstiet - Norma