في هالحلقة، أشارك معاكم تأملات عن سؤال يرافقنا من بدري من غير ما نحس. شنو يعني الصح، وشنو يعني الغلط؟ وهل نظرتنا لأنفسنا طالعة من داخلنا فعلاً، أو إنها أصوات قديمة تعلّمناها، ولبسناها، وصدقنا إنها حقيقتنا؟ أتكلم معاكم عن الأفكار اللي نورثها من بيئتنا وثقافتنا، وعن الأحكام اللي تنتقل بهدوء من جيل إلى جيل، لين تصير جزء من الطريقة اللي نحب فيها، ونخاف فيها، ونربّي فيها عيالنا. إذا قد مرّ عليكم شعور إن بعض قناعاتكم مو لكم بالكامل، تعالوا اسمعوا هالحلقة، يمكن تلاقون فيها مساحة تسألون فيها أنفسكم من جديد. 

تابعونا على: http://www.linktr.ee/arawithmthayel

في هالحلقة، أشارك معاكم فكرة هادئة لكن عميقة. كثير من قراراتنا يمكن ما تنقاس بالمنطق فقط، لكن بالشيء اللي يرضي طفلنا الصغير في عمر الست سنوات، ويطمن النسخة البعيدة منّا في عمر التسعين. أتكلم معاكم عن هالمسافة بين البراءة والسكينة، بين الرغبة الأولى والرضا الأخير، وعن كيف يمكن لاختيار واحد أن يكون جسراً بين قلب كان يفرح بأبسط الأشياء، وقلب صار يبحث عن معنى يبقى. إذا مرّ عليكم هالسؤال من قبل، أو حسّيتوا إن داخلكم صوتين يحاولون يرشدونكم، تعالوا اسمعوا هالحلقة.

تابعونا على: http://www.linktr.ee/arawithmthayel

 في هالحلقة، أشارك معاكم سؤال بسيط شكله، لكنه عميق جداً من الداخل. شنو يعني الأمان؟ وين نحسّه؟ ومتى كانت آخر مرة حسّينا فيها إن قلبنا مرتاح، وإن أجسامنا ما فيها خوف ولا استعداد للهروب؟ أتكلم معاكم عن الأمان كإحساس، كمساحة، كحضن غير مرئي نرجع له لما يتعب فينا العالم، وعن اللحظات اللي نحس فيها إننا أخيراً مو مضطرين نشرح نفسنا أو نحميها طول الوقت. إذا هالسؤال مرّ عليكم من قبل، أو إذا كنتم تدورون على معنى يطمنكم من الداخل، تعالوا اسمعوا هالحلقة، يمكن تلاقون فيها شيئاً يشبهكم. 

تابعونا على: http://www.linktr.ee/arawithmthayel

 في هالحلقة، نفتح سؤال يمكن كلنا نحسه لكن نادراً نوقف عنده فعلاً. من نكون بعيداً عن الأدوار اللي نلبسها كل يوم، بعيداً عن المسمّيات، وعن البلد، وعن كل شيء تعوّدنا نعرّف نفسنا فيه؟ أشارك معاكم تأملات صادقة عن الهويات اللي نحملها مثل قبعات تتبدل، وعن الوجوه اللي نظهر فيها للناس، وعن المسافة الصغيرة بين من نكونه فعلاً ومن نظن أننا لازم نكونه. إذا سبق وسألت نفسك هذا السؤال، أو حسّيت إن داخلك شيء أكبر من كل تعريف جاهز، تعالوا اسمعوا هالحلقة، يمكن تلاقون فيها مساحة هادئة تشبهكم. 

تابعونا على: http://www.linktr.ee/arawithmthayel

 في هالحلقة، أشارك معاكم شعور يمكن كثير منّا يمر فيه من غير ما ينتبه له فوراً. شنو يصير فينا لما نعطي كثير، ونسمع كثير، ونحمل كثير، لين نحس إننا ابتعدنا عن نفسنا شوي شوي؟ أتكلم معاكم عن الاحتراق اللي يي من كثرة الأخذ والعطاء، وعن أهمية إن الواحد يلقى له مساحة صغيرة كل يوم، يهدأ فيها، يرجع لنفسه، ويرتب صوته الداخلي بعيد عن كل الضجيج. إذا حسّيتوا يوم إنكم محتاجين تهربون شوي، مو من الناس، لكن عشان ترجعون لأنفسكم، يمكن تلقون في هالحلقة شيء يطمنكم ويشبهكم. 

تابعونا على: http://www.linktr.ee/arawithmthayel

 في هالحلقة أشارك معاكم تأمل بسيط لكنه عميق عن مشاعرنا، وعن المسافة بين الحب والخوف. شلون أحيانًا نتحرك من مكان فيه انفتاح وطمأنينة، وأحيانًا من مكان فيه حماية وتوجّس، من غير ما ننتبه. بنتكلم عن هالطرفين كأنهم حالتين نرجع لهم في مواقفنا، في علاقاتنا، وفي نظرتنا لأنفسنا. وإذا كنتوا تحسون إن بعض ردودكم تطلع من خوف، وبعض لحظاتكم تفتح من حب، تعالوا اسمعوا هالحلقة… يمكن تساعدكم تشوفون مشاعركم بوضوح ووعي أحن. 

تابعونا على: http://www.linktr.ee/arawithmthayel

 في هالحلقة أشارك معاكم علاقتي مع الورقة والقلم… شلون لحظة فضفضة بسيطة تتحوّل لمساحة هادئة نسمع فيها نفسنا بوضوح. أتكلم عن فكرة “تفريغ” الأفكار، وكيف لما نسمح لها تنزل على الورق، العقل يهدأ شوي، وتبدأ تطلع لحظات فهم ما كنا منتبهين لها. مرات نكتب عشان نرتّب، ومرات نكتب عشان نتحرّر. إذا تحسين إن داخلك كلام متراكم ينتظر مساحة، تعالوا اسمعوا الحلقة… يمكن تكتشفون إن أقرب طريق لصوتكم، يبدأ بخط بسيط. 

تابعونا على: http://www.linktr.ee/arawithmthayel

 في هالحلقة نتأمل معنى التقبّل… مو كقرار نأخذه مرة وحدة، لكن كطريق نمشيه كل يوم. نتكلم عن الصورة اللي نحملها عن نفسنا، ونسأل: هل هي فعلًا لنا؟ ولا تشكّلت من عيون الناس حوالينا وكلماتهم؟ بنقرب من هالفكرة، ونحاول نفهم شنو يعني نرجع لأنفسنا بدون شروط، وشنو يعني نقبلها وهي تتغيّر وتتعلم وتكبر. إذا حسيتي إن هالسؤال يخصّج، تعالي اسمعي الحلقة يمكن تلاقين فيها مساحة أصدق.

تابعونا على: http://www.linktr.ee/arawithmthayel

 في هالحلقة، بأخذكم وياي على “الطريق لنفسك”. مو كفكرة كبيرة، بس كإحساس بسيط تعرفينه لما تدخلين بيتج وتطيحين الحمل عن كتفج بدون ما تقولين شي. بنتكلم عن معنى إن النفس تصير مثل مكان مألوف، دافي، ما يحتاج تبرير ولا تمثيل. 
هل الرجوع لداخلج يقدر يكون بنفس راحة الرجوع لبيتج؟ وهل تقدرين تصيرين على طبيعتج مع نفسج مثل ما تكونين في زاوية تعرفج وتحبج؟ تعالوا نمشي هالطريق بهدوء… خطوة خطوة، لين يصير وجودج مع نفسج هو الأمان. 

تابعونا على: http://www.linktr.ee/arawithmthayel

في هالحلقة، بأشارك معاكم رحلة بسيطة بس عميقة عن “معتقدات”. شلون تتكوّن صورتنا عن نفسنا خطوة بخطوة، وشو اللي يكون طالع من داخلنا، وشو اللي نكون ماخذينه من الناس اللي حولنا من غير ما نحس. 
بنتكلم عن الأصوات اللي تربّينا عليها، والجمل اللي صارت تعريف لنا، وكيف نبدأ نميّز بين قناعاتنا وقناعات غيرنا. إذا تحسين إنك مرات تعيشين على “لازم” و “مفروض” أكثر من “أنا أبغي” و “أنا أحس”… تعالي اسمعي هالحلقة، يمكن تفتح لج باب فهم أخف وأصدق.

تابعونا على: http://www.linktr.ee/arawithmthayel

 في هالحلقة، بأخذكم في رحلة مختلفة مع “مرايا”. تخيلي كل شخص تمرين عليه في يومج يصير مثل انعكاس خفيف يوريج شي عن نفسج، من غير ما يقصد ومن غير ما تنتبهين. بنمشي مع بعض بين المواقف اللي ترفع ضغطج، واللحظات اللي تريحج، والأسئلة اللي تطلع فجأة من داخل. بشارككم شلون نقرأ هالانعكاسات بهدوء، شلون نفهم شو فينا ينجرح وشو فينا يلمع، وكيف نرجع لأنفسنا بوضوح أكثر وحنان أكبر. 

تابعونا على: http://www.linktr.ee/arawithmthayel