Era actualitat dera Val d'Aran en aranés. Auem seguit es protèstes des ramadèrs e pagesi que se concentrauen ena Nauta Ribagorça talhan era N-230 e tanben era actualitat esportiua damb un resum dera Sant Silvestre de Bossòst e er auanç dera prumèra cita dera Audi Quattro Cup, era corsa Amics de Montgarri d'esqui aupin tàs categories U10 e U12. Tanben auem parlat damb er esquiador de Vielha Marc Ubeira, que hè part dera equipa C d'esqui aupin ena RFEDI.

Era actualitat dera Val d'Aran en aranés. Ath delà dera actualitat deth dia damb es manifestacions des ramaders e pagesi aué auem tornat a parlar damb era pediatra Immaculada Caubet dempús dera sua jubilacion. Aué auem parlat dera sua aficion ara musica e ara montanha, qu'ara dilhèu poderà desvolopar mès, dera familha e fòrça d'autes causes com er auet des chuquetes, era sua vessant coma cooperant o era defensa dera lengua damb eth collectiu Lengua viua.

Era actualitat dera Val d'Aran en aranés. Era doctora Immaculada Caubet, qu'a estat mès de 40 ans en actiu, ven de jubilar-se. Damb era auem parlat de com e perque decidic de hèr-se mètge e especializar-se en pediatria e tanben de d'autes causes. Tanben hèm un repàs ara actualitat dempús des hèstes de Nadau.

Era actualitat dera Val d'Aran en aranés. Eth darrèr plen deth 2025 en Ajuntament de Naut Aran a estat protagonizat per ahèrs urbanistics e pera polemica damb era mocion d'Aran Amassa de crear un Còdi Etic que remasse era incompatibilitat entà exercir un cargue public s'existís ua condemna per delictes sexuaus. Era actualitat esportiua damb es results deth campeonat d'espanha de patinatge sus gèu e des equipes de fotbòl aranesi.

Era actualitat dera Val d'Aran en aranés. Era senténcia a 18 ans de preson d'un òme per auer abusat sexuaument des sues dues hilhes e cinc menores en Vielha entre 2011 e 2020. Es propòstes deth baile de Vielha, Juan Antonio Serrano, entà que s'adòpten mesures urgentes en matèria der impòst sus estades en establiments turistics. Era San Silvèstre de Bossòst, que demore 400 inscrits ena 19au edicion.

Era actualitat dera Val d'Aran en aranés. Damb era sindica d'Aran, Maria Vergés, hèm un repàs des ahèrs e acòrds mès destacadi que s'an artenhut en darrèr mès dempús dera comission bilaterau e era compareishença en Parlament.

Era actualitat dera Val d'Aran en aranés. Era trail Vielha Molières 3010 arribarà en 2026 ara 10au edicion e ac hè recuperant era Tuca Trail e entot hèr part deth nau circuit Unit Trail. Tanben repassam d'autes cites esportiues deth calendari deth 2026.

Era actualitat dera Val d'Aran en aranés. Parlam des prumères competicions d'esqui dera sason en Baqueira Beret. Eth trofèg Blanca Fernandez Ochoa FIS d'esqui aupin e eth trofèg CAEI Naut Aran d'esqui de hons que enguan tanben acuelh era 1ª edicion dera Copa Pirenèus dera RFEDI. Tanben repassam eth mot horaviat.

Era actualitat dera Val d'Aran en aranés. Es acòrds dera amassada bilaterau Generalitat Conselh passen per naues transferécies e pactes. Sus eth finançament se manten eth calendari previst. Es espòrts en Aran, fotbòl, motor, patinatge sus gèu e esqui damb eth documentau SKIFT filmat ena primauèra en Norvègia damb era participacion de sies passionadi der esqui.

Era actualitat dera Val d'Aran en aranés. Es mèstres der institut d'Aran s'ahigen as demanes tà reclamar milhores en salari, mès recorsi, baishar es ràtios enes aules e redusir era burocràcia. 5 hemnes malautes de càncer mos an aufrissen eth sòn testimoni damb motiu de La Marató d'aguest dimenge.

Era actualitat dera Val d'Aran en aranés. Era pujada des casi de gripa hè qu'es masquetes siguen obligatòries a compdar d'aué en espitau d'Aran. Es pompièrs d'Aran definissen era sua huelha de rota entath 2030. Ei eth titolar que mos deishaue era celebracion dera patrona deth còs en Aran. Eth professorat der Institut d'Aran se concentre aué tà demanat milhores laboraus.